Отбасы институтын зерттеу орталығы әлеуметтік институт ретінде отбасының проблемалық аспектілерін шешу бойынша ұсыныстарды зерттеумен, талдаумен және әзірлеумен айналысады.

 

Орталықтың негізгі міндеттері:

  1. Отбасылық саясаттың бағыттарын мониторингілеу, талдау, болжау және модельдеу;
  2. Отбасы саласындағы өзекті және басым үрдістерді анықтау;
  3. Отбасы саясаты институттарының әдістемелік базасын қамтамасыз ету;
  4. Отбасы саясаты институттарының құзыреттілік деңгейін арттыру;
  5. Отбасылық саясатты іске асырудың тиімділігін арттыру бойынша ұсынымдар дайындау;
  6. Қазақстан Республикасының заңнамасына сәйкес Отбасы институтын зерттеу орталығына жүктелген өзге де міндеттерді жүзеге асыру.

Ұсынымдарды одан әрі әзірлеу, жетекшілік ететін мәселелерді сараптамалық бағалау үшін отбасылық саясат мәселелері бойынша отандық және халықаралық тәжірибені зерделеу Орталықтың қызметіне  кіреді. Қазақстандық отбасылық саясаттың жай-күйі туралы жыл сайынғы Ұлттық баяндаманы дайындау үшін статистикалық және әлеуметтік деректер базасын құру Орталықтың маңызды аспектісі болып табылады.

2019 жылы Орталық 3 әдістемелік құрал  және  1 ақпараттық анықтама әзірледі:

  1. Тұрмыстық зорлық-зомбылық құрбандарына арналған дағдарыс орталықтарының үздік тәжірибелері бойынша ұсынымдармен әдістемелік құрал;
  2. Жастарды отбасылық өмірге дайындаудың әдістемелік құралы;
  3. Агрессорлармен жұмыс істеу бойынша әдістемелік құрал;
  4. Ақпараттық анықтамалық: «Зорлық-зомбылық үйде басталғанда: тұрмыстық зорлық-зомбылықтың алдын-алу нұсқаулығы».

 

Халықаралық ынтымақтастық

Халықаралық ынтымақтастықтың негізгі мақсаты – сараптамалық қоғамдастықпен өзара іс-қимыл және ынтымақтастық орнату, отбасылық саясат мәселелерін зерттеу саласында әріптестік қатынастарды дамыту, халықаралық іс-шараларға (қолданбалы зерттеулер, форумдар, конференциялар, дөңгелек үстелдер, семинарлар, тренингтер, мастер-кластар және т.б.) қатысу.

Ынтымақтастықты орнату  отбасы проблемаларын шешуге, отбасы мәселелері бойынша отандық және халықаралық тәжірибені зерделеуге бағытталған бірлескен ғылыми-зерттеу бағдарламаларын, конференциялар және оқыту семинарларын, ұсынымдарды, жәрдемақыларды әзірлеуге және өткізуге сарапшылық қоғамдастықты тартуға ықпал ететін болады.